Tuesday, December 23, 2014

വേനല്‍.....

പാടി മടുത്തു പോകുന്ന രാകുയിലേ
വീണ്ടും വ്യസനങ്ങള്‍ എനിക്കായി  മാത്രം...
വര്‍ഷത്തിന്‍റെ തണുവുംശിശിരത്തിന്റെ വിറയും
കണ്ണീര്‍ വീഴ്ത്തുന്നോരീ ഇലപ്പടര്‍പ്പുകളും....

നിന്‍റെ ഇടറുന്ന മൊഴികളും പരിഭവിച്ച മിഴികളും
എന്നെ പുല്‍കുന്ന തണുത്ത കാറ്റും രാഗങ്ങള്‍
പെയ്യുന്നു പൊടിക്കാറ്റിഴയുന്ന സന്ധ്യകളില്‍....

വറുതി കത്തുന്ന കുടികളില്‍ വയലീണങ്ങള്‍ നിലച്ച
നിലങ്ങളില്‍ വിശപ്പിന്‍റെ വിഷനീലിമകള്‍ മാത്രം....
അരുത് പകരുവാന്‍ പാട്ടീണങ്ങള്‍...ആളുന്ന പകമാത്രം...

പിടയുന്ന പിഞ്ചു ബാല്യങ്ങള്‍...നെഞ്ചില്‍ നിലയ്ക്കുന്നു മിടിപ്പുകള്‍..
പെഷവാറിലെ ചോരച്ച മണം പടര്‍ന്നു കത്തുന്നൂ ...
കരയരുതേ  രാക്കുയിലേ...പകയുടെ രോദനം ഇനിയും പാടരുതേ....

No comments:

Post a Comment